Skólastefna

Í Sunnulækjarskóla stunda nemendur einstaklingsmiðað nám.  Í því felst að nám hvers nemanda er aðlagað að hæfileikum hans og getu frekar en að nemendur séu flokkaðir í hópa með fyrirfram skilgreinda eiginleika.

Skólabragur

Unnið er markvisst að því að skapa andrúmsloft prúðmennsku og frelsis í skólanum.  Ábyrgð nemenda á eigin námi og framgöngu sinni í skólanum verður þroskuð með því að veita þeim viðeigandi ábyrgð, val og frelsi eftir því sem þroski þeirra leyfir.

Kennarateymi

Kennarar skólans vinna saman í teymum. Umsjónarkennarar innan árgangs eða samliggjandi árganga mynda kennarateymi. Kennarateymið framkvæmir og stjórnar daglegu skólastarfi tiltekinna árganga.

Dagleg teymisvinna

Kennarateymi sér um skipulag og framkvæmd hins daglega skólastarfs.  Gerð kennsluáætlana, áætlana um námsmat og eftirlit með námsframvindu allra nemenda er á ábyrgð teymisins.