Norðurhólum 1

800 Selfoss

Sími 480-5400

Hafa samband

Vefur foreldrafélags Sunnulækjarskóla

Heimferðir í Tjarnabyggð og Sandvík

Flott án fíknar

Uppskriftir

Þessi vefur er aflagður - nýr vefur er á www.sunnulaekjarskoli.is

Smákökumaraþon
 

Nemendur í 8. og 9. bekk Sunnulækjarskóla vildu láta gott af sér leiða nú fyrir jólin. Þau ákváðu því að hittast í skólanum á föstudagskvöldið og baka piparkökur til að gleðja aðra. Um 60 unglingar tóku þátt og bökuðu frá kl. 18.00  til miðnættis. Bakaðar voru 3 sortir, piparkökur, súkkulaðibitakökur og vanilluhringir alls um 35 kg af smákökum.

Nemendurnir færðu síðan íbúum og dvalargestum í Grænumörk og Vinaminni afraksturinn auk þess sem félagsþjónusta Árborgar og kirkjan fengu nokkurt magn til að gleðja aðra að eigin vali.

Við vonum að smákökunum fylgi sannur jólaandi til sem allra flestra.

Vinadagar

Vinadagar fara fram í Sunnulækjarskóla á hverju ári og hefjast yfirleitt í byrjun desember.  Vinadagar eru þannig að eldri nemendur fá yngri nemendur að vini. Reynt er að para saman árgöngum eftir því hvernig fjöldinn passar best saman.  Sum staðar þurfa samt að vera tveir saman um einn vin. 

Markmið vinadaga er að nemendur á ólíkum aldri kynnist og að efla samkennd og virðingu meðal nemenda. Jafnframt er þetta tækifæri fyrir kennara á mismunandi stigum að vinna saman.

Á vinadögum skipuleggja kennarar a.m.k. 2 heimsóknir á milli vina inn á hvort heimasvæði. Í þessum heimsóknum er ýmislegt hægt að gera, eins og að spila, læra saman, hafa lestrarstund, skreyta heimasvæðin, búa til eitthvað fallegt, fara í ratleik, eldri nemendur aðstoða yngri við að læra, búa til jólagjafir, pakka inn, búa til jólakort, fara í gönguferðir o.s.frv. Einnig fara vinir saman í söngstundir sem verða í desember og á Litlu jólunum dansa vinir saman í kringum jólatréð. Þá sækja eldri vinir þá yngri og fylgja þeim í Fjallasal.

Blöðrubátar

Í vetur hafa nemendur í 4. bekk unnið að gerð blöðrubáta í smíði. Nemendur unnu bátinn sjálfir, hönnuðu útlit og lögun hans ásamt því að setja saman einfaldan drifbúnað.

Þegar bátasmíðinni var lokið fengu nemendur tækifæri til að prufa bátana í sundtíma. Verkefni gekk mjög vel og höfðu nemendur og kennarar mjög gaman af.

Uppeldi til ábyrgðar í Sunnulækjarskóla

Uppeldi til ábyrgðar miðar að því að ýta undir ábyrgðarkennd og sjálfstjórn barna og unglinga og þjálfa þau í að ræða um tilfinningar og átta sig á þörfum sínum.

Í haust hafa nemendur verið að rifja upp og ræða um hlutverk sín í skólanum.

Í einum umsjónarhópi skilgreindu nemendur hlutverk sitt með eftirfarandi hætti og settu upp á svæðinu sínu:

Gott er ef foreldrar ræða líka um þau hlutverk sem nemendur hafa heima hjá sér.  Okkar reynsla er að börnin vilja standa sig vel og skorast ekki undan ábyrgð.

Tilkynningar

Skráning á Hóla um jól og áramót

Viðbragðsáætlun vegna inflúensu

Beinn sími í skólavistun Sunnulækjarskóla
er 480-5450

Beinn sími í íþróttahús er 480-5449